Mayın 1-də Bolqarıstanın paytaxtı Sofiya şəhərində keçirilən cüdo üzrə Avropa çempionatına yekun vurulub. Azərbaycan yığmasının üzvləri 1 qızıl və 2 bürünc medal qazanıb.
Hidayət Heydərov (-73 kq) qızıl medal, Rüstəm Orucov (-73 kq) və Məmmədəli Mehdiyev (-90 kq) isə bürünc medal qazanıblar. Yarışın yekun nəticələrinə görə millimiz Avropa çempionatını ümumi sıralamada 8-ci, kişilər arasında isə 4-cü yerdə başa vurub.
Qeyd edək ki 29 aprel - 1 may tarixlərində keçirilən Avropa çempionatında 40 ölkədən 362 idmançı mübarizə aparıb. Azərbaycanı qitə birinciliyində 11 idmançı təmsil edib.
