2022-ci ilin ilk 4 ayı ərzində Azərbaycan iqtisadiyyatına 3,67 milyard manat investisiya yatırılıb. Bu da ötən ilin eyni dövrü ilə müqayisədə 5,3% azdır. Bu barədə məlumat 16 may tarixində Dövlət Statistika Komitəsinin hesabatında əks edilib.
Məlumata əsasən, neft-qaz sektoruna yatırımların həcmi 29,9% azalsa da, qeyri-neft-qaz sektoruna 17,9% artıb. İnvestisiyaların 2,7 milyard manata yaxın hissəsini daxili vəsaitlər təşkil edib.
İstifadə olunmuş vəsaitin 2,07 milyard manatı məhsul istehsalı sahələrinə, 1,37 milyard manatı xidmət sahələrinə, 230,2 milyon manatı isə yaşayış evlərinin tikintisinə sərf edilib.
