Banqkokda keçirilən Birləşmiş Millətlər Təşkilatının Asiya və Sakit Okeanda Transsərhəd Kağızsız Ticarətin Asanlaşdırılması üzrə keçirilən sessiyada Azərbaycan rəqəmsal ticarət üzrə MDB-də lider olub. Bu barədə 28 aprel tarixində İqtisadi İslahatların Təhlili və Kommunikasiya Mərkəzi məlumat verib.
Məlumata əsasən, son 6 il ərzində Azərbaycanın ticarətin asanlaşdırılması üzrə ümumi göstəricisi 48,39%-dən 86,02%-ə qədər yüksəlib.
Qeyd olunub ki, Azərbaycan rəqəmsal və davamlı ticarətin asanlaşdırılması üzrə MDB ölkələri (Rusiya - 84,95%, Gürcüstan - 82,8%, İran - 77,42%, Ermənistan - 62,37%) və Mərkəzi Asiya ölkələri arasında lider mövqe qazanıb.
