Bu ilin yanvar-sentyabr aylarında Azərbaycana 186 ölkədən 1 milyon 983,3 min və yaxud ötən ilin eyni dövrü ilə müqayisədə 29,1 % çox əcnəbi və vətəndaşlığı olmayan şəxs gəlib.
İnsanoid.com Dövlət Statistika Komitəsinə istinadən xəbər verir ki, gələnlərin 28,4 %-i Rusiya, 16,2 %-i Türkiyə, 9,1 %-i Hindistan, 8,1 %-i İran, 4,2 %-i Səudiyyə Ərəbistanı, 4,1 %-i Gürcüstan, 3,3 %-i Qazaxıstan, 2,9 %-i Pakistan, hər birindən 1,7 % olmaqla Özbəkistan, Çin və Birləşmiş Ərəb Əmirlikləri, hər birindən 1,4 % olmaqla Küveyt və Ukrayna, hər birindən 1,2 % olmaqla İsrail və Türkmənistan, 1,1 %-i Oman, 1 %-i Belarus, 11,3 %-i digər ölkələrin vətəndaşları olub.
Gələnlərin 66,8 %-ini kişilər, 33,2 %-ini qadınlar təşkil edib.
Ötən ilin eyni dövrü ilə müqayisədə Hindistandan gələnlərin sayı 2,3 dəfə, Cənubi Koreyadan - 2 dəfə, Çindən - 1,9 dəfə, İspaniyadan - 1,9 dəfə, Filippindən - 1,6 dəfə, Qırğızıstandan - 1,6 dəfə, Qazaxıstandan - 1,6 dəfə, Pakistandan - 1,5 dəfə, Omandan - 1,5 dəfə, İordaniyadan - 41,3 %, İrandan - 38,4 %, İtaliyadan - 36,2 %, Polşadan - 35,7 %, Türkmənistandan - 30,2 %, Səudiyyə Ərəbistanından - 28,1 %, Yəməndən - 25,3 %, ABŞ-dan - 21,8 %, Almaniyadan - 21,6 %, Özbəkistandan - 20,8 %, Misirdən - 20,1 %, Rusiyadan - 18,4 %, Ukraynadan - 18,2 %, Türkiyədən - 17,2 %, Fransadan - 17 %, Küveytdən - 16,4 %, Moldovadan - 12,3 %, Tacikistandan - 11,2 %, Gürcüstandan - 10,6 %, Böyük Britaniyadan - 10 %, Bəhreyndən - 10 % artıb.
İl ərzində Avropa İttifaqına üzv ölkələrdən gələnlərin sayı 32,2 % artaraq 81,8 min nəfər, körfəz ölkələrindən gələnlərin sayı 31,4 % artaraq 337,8 min nəfər, MDB ölkələrindən gələnlərin sayı 20,6 % artaraq 748,5 min nəfər olub.
Azərbaycana gələn əcnəbilər və vətəndaşlığı olmayan şəxslərin 76 %-i hava, 22,8 %-i dəmir yolu və avtomobil, 1,2 %-i isə dəniz nəqliyyatından istifadə edib.
