Cari ilin yanvar-mart aylarında Azərbaycana dünyanın 149 ölkəsindən 246 mindən çox turist səfər edib. Bu, 2021-ci ilin eyni dövrü ilə müqayisədə 2,1 dəfə çoxdur. Bu haqda Dövlət Statistika Komitəsi 22 apreldə məlumat paylaşıb.
Ölkəmizi ziyarət edənlər daha çox Rusiya (27%), Türkiyə (25%), İran (14%), Gürcüstan (6%) və Ukraynadan (3%) olub. Səyahət edənlərin 80%-i kişilər, 20%-i isə qadınlar olub.
Turistlər daha çox hava nəqliyyatından (54%) istifadə ediblər.
Eyni zamanda, xarici ölkələrə gedən Azərbaycan vətəndaşlarının da sayı artıb. Belə ki, bu göstərici ötən ilə nisbətən 2,7 dəfə çoxalaraq 298 min nəfər olub. Azərbaycanlılar daha çox Türkiyə (45%), Rusiya (19%) və İrana (8%) səfər ediblər.
