Azərbaycanda ilk dəfə qarpız sahələrinin güzəştli sığortası başlayıb. Bu haqda aprelin 26-da Aqrar Sığorta Fondu məlumat verib.
Fermerlərə dəstək üçün qarpız təsərrüfatları üzrə sığorta haqqının yarısını dövlət ödəyəcək.
Aqrar sığortaya dolu, sel-su basma, leysan, ildırım, yanğın, qasırğa, fırtına və digər hallar aiddir.
Qarpızın sığorta tarifi regiondan asılı olaraq 2,17%-5,12% arasında dəyişir. Bu bitkinin ən çox əkildiyi Aran bölgəsində sığorta tarifi 2,26% təşkil edir.
Fermerlər sığorta haqlarını və ödənişlərini «Bitkiçilik kalkulyatoru» vasitəsilə hesablaya bilərlər.
