Azərbaycan Respublikasının İran İslam Respublikasındakı Səfirliyi yeni ünvanda fəaliyyətini bərpa edib.Bu barədə İnsanoid bu gün, 15 iyul tarixində xəbər verir.
Azərbaycan Respublikası ilə İran İslam Respublikası arasında aparılmış danışıqlar nəticəsində 15 iyul 2024-cü il tarixindən etibarən səfir və səfirliyin hal-hazırkı heyəti İrana geri dönüb.
Səfirlik Tehran şəhərinin Dərrus məntəqəsindəki Şəhrizad prospekti Yarməhəmmədi küçəsi Saqi dalanı və Firuzkuh küçəsinin kəsişməsi, ev 8 ünvanında yerləşir.
27 yanvar 2023-cü ildə Azərbaycanın İrandakı səfirliyinə təşkil olunmuş silahlı hücum nəticəsində bir nəfər ölmüş, iki nəfər isə yaralanmışdı.
