Azərbaycanda 15 may-2 iyun tarixlərində “Peşələr festivalı” baş tutacaq.
“Öyrən, əylən, peşəni seç!” devizi altında keçiriləcək tədbir 10 müxtəlif rayon və şəhərdə baş tutacaq. Bunlar: Şamaxı, Sumqayıt, Lənkəran, Şirvan, Bakı, Şəki, Mingəcevir, Bərdə, Gəncə və Qazaxdır.
Layihənin əsas məqsədi düzgün peşə seçimi haqqında məlumatlılığın artırılması və layihə iştirakçılarının peşə və ixtisas seçiminə dəstək göstərməkdir.
Tədbirlər çərçivəsində on peşə sahibi öz peşəsi haqqında açıq havada təqdimatlar keçirəcək, vorkşoplar, viktorinalar və oyunlar təşkil ediləcək. Həmçinin festivalda DJ və musiqiçilərin də iştirakı nəzərdə tutulub.
Festivala hər bir şəxs qatıla bilər. İştirak ödənişsizdir və öncədən qeydiyyata ehtiyac yoxdur.
“Peşələr festivalı”nın cədvəli ilə link vasitəsilə tanış olmaq olar.
