2022-ci ilin ilk 4 ayı ərzində Azərbaycanın xarici ticarət dövriyyəsi 15,8 milyard dollardan çox olub. Bu barədə məlumat 18 may tarixində dərc edilmiş Dövlət Gömrük Komitəsinin hesabatında əks edilib.
Məlumata əsasən, hesabat dövründə 155 ölkə ilə xarici ticarət əlaqələri aparılıb. Ticarət əməliyyatlarının 4 milyard dolları idxal üzrə, 11,8 milyard dolları isə ixrac üzrə aparılıb. Ölkəyə 6 398 çeşid mal idxal olunub, 2 132 çeşid mal isə ölkədən ixrac edilib.
İdxalda MDB ölkələrinin payı 27,74%, Avropa İttifaqı ölkələrinin payı 15,81%, digər ölkələrin payı isə 56,45% təşkil edir. İxracda isə Aİ-nin payı 63,93%, MDB-nin payı 5,37%, digər ölkələrin payı isə 30,7% təşkil edir.
