Azərbaycan millisinin futbolçusu Mahir Emreli “Legiya”dan ayrılmaq istəyir. Bu barədə dekabrın 14-də Azərtac məlumat yayıb.
Məlumata görə, 24 yaşlı forvard Polşa çempionatında Plotsk “Visla”sına 0:1 hesabı ilə uduzduqları matçdan sonra azarkeşlərin hücumuna məruz qaldığı üçün bu addımı atmağa qərar verib.
Həkimlər Emreliyə 2 günlük istirahət tövsiyə edib. Buna görə onun “Zaqlembe” ilə matçda iştirakı gözlənilmir.
Dekabrın 13-də, “Legiya” Plotsk “Visla”sına 0:1 hesabı ilə uduzub. Nəticədən qəzəblənən fanatlar Varşava klubunun bazasına yollanıblar. Fanatlardan bir neçəsi “Legiya”nın oyunçularını daşıyan avtobusun salonuna daxil olaraq futbolçulara xəsarət yetiriblər. Polşalı jurnalist Sebastyan Staşevski hücum zamanı “Legiya”nın iki oyunçusu – Mahir Emreli və Lukinyasın döyüldüyünü yazıb.
?Udało mi się skontaktować z kilkoma piłkarzami @LegiaWarszawa. Są przerażeni, nie chcą rozmawiać o tym, co się stało (i nie ma się co im dziwić). Według ich relacji kibice uderzyli przynajmniej dwóch zawodników Legii: Mahira Emreliego i Luquinhasa. @SportINTERIA
— Sebastian Staszewski (@s_staszewski) December 12, 2021
Qeyd edək ki, 2021-ci ilin yayında “Qarabağ”dan “Legiya”ya keçən Mahir Emreli Varşava təmsilçisi ilə 3 illik müqavilə imzalayıb.
