“Azərsun Sənaye Parkı”nda yanğından dəymiş ziyana görə sığorta ödənişi veriləcək. Bu haqda Parkın sığorta olunduğu "Azərbaycan Sənaye Sığorta" ASC-nin nümayəndəsi Şəfəq Nəcəfova aprelin 29-da APA-ya məlumat verib.
Onun sözlərinə əsasən, ziyan dəymiş əmlaklar və yanan məhsullar sığortalı olub.
“Ziyan dəymiş anbarlar həm daşınmaz əmlakın icbari sığortası, həm də daşınmaz əmlakın mülki məsuliyyətinin icbari sığortası üzrə sığortalanıb”, - deyə Ş.Nəcəfova qeyd edib.
O əlavə edib ki, hazırda dəyən ziyanın hesablanması prosesi gedir.
Qeyd edək ki, yanğın 28 aprel axşam saatlarında başlayıb və artıq söndürülüb.
