Bədii gimnastlarımız Arzu Cəlilova və Zöhrə Ağamirova Bakıda keçirilən Dünya Kubokunda finala vəsiqə qazanıblar. Bu haqda aprelin 22-də Report məlumat yayıb.
Cəlilova topla hərəkətlərdə 31.000, halqa ilə çıxışında 32.050 xala layiq görülüb. İdmançı hər iki növdə təsnifat mərhələsində üçüncü olub.
Ağamirova isə topla hərəkətlərdə 29.650 xal toplayıb və 12-ci yerlə kifayətlənib. O, yalnız halqa ilə çıxışında 31.650 xalla 4-cü olub.
İki çıxışın cəmində Arzu Cəlilova üçüncü, Zöhrə Ağamirova isə beşinci pillədə qərarlaşıblar.
