Bakının Sabunçu rayonunda yol qəzası nəticəsində gəlin və qayınanası xəsarət alıb. Bu haqda fevralın 1-də APA məlumat yayıb.
Belə ki, qəza Sabunçu qəsəbəsində baş verib. 1961-ci il təvəllüdlü qadın və onun 1989-cu il təvəllüdlü gəlini marketdən çıxaraq yolun əks istiqamətinə keçərkən onları minik avtomobili vurub.
Yaralılar 3 saylı şəhər xəstəxanasına yerləşdirilib. Həkimlərin sözlərinə əsasən, onlarln vəziyyəti orta ağırdır.
Faktla bağlı araşdırma aparılır.
Baş Dövlət Yol Polisi İdarəsinin məlumatına əsasən, ötən il Azərbaycanda 1649 yol-nəqliyyat hadisəsi qeydə alınıb. 706 nəfər həlak olub, 1452 nəfər isə yaralanıb.
