Bakıda həyat yoldaşını bıçaqlayan şəxsin ittiham olunduğu maddə dəyişdirilib. Bu barədə yanvarın 11-də Baş Prokurorluq məlumat yayıb.
Hadisə ötən il dekabrın 11-də baş vermişdir. 1999-cu il təvəllüdlü qadın əri Pərvin Ağayev tərəfindən bıçaqlanıb. Faktla bağlı “qəsdən sağlamlığa ağır zərər vurma” maddəsi ilə cinayət işi başlanılmışdır.
İstintaq zamanı əməldə “qəsdən adam öldürməyə cəhd” cinayətinin əlamətləri müəyyən edilib. Bu səbəbdən onun ittiham olunduğu maddə dəyişdirilib.
Ölkədə 2021-ci ilin 9 ayı ərzində baş verən qəsdən adam öldürmə və adam öldürməyə cəhd cinayətləri nəticəsində 51 qadın həyatını itirib. Xəsarət alanların sayı isə 24 təşkil edib. Vətəndaşlar qadına qarşı zorakılıq halları ilə üzləşdikdə Baş Prokurorluğun “961” Çağrı Mərkəzinə müraciət edə bilərlər.
