Bakının Yasamal rayon ərazisindəki sexlərin birindən 18 600 manat dəyərində soba, lazer printer və 2 ədəd samovar oğurlanıb. Əməli törətməkdə şübhəli bilinən Qusar rayon sakinləri, əvvəllər məhkum olunmuş R. Kərimov, Z. Rüstəmov və oğlu R. Rüstəmov saxlanılıb.
Şirvanda isə zavoddan 24 000 manatlıq oğurluq edilib. Zavodun anbarından 24 000 manat dəyərində təzyiqli hava aparatının əl tapançası, 10 ədəd yük avtomobilinin yanacaq filtri, 20 metr mis naqil, avtomobil açar dəsti, 2 ədəd metal əritmə spiralı, 220 kiloqram mis hissəsi oğurlanıb. R.Məmmədov, E.Bayramov və A.Zeynalov saxlanılıblar.
Faktlarla bağlı araşdırma aparılır.
