Bakıda Avropa çempionu Vüqar Həşimovun xatirəsinə həsr olunmuş 7-ci beynəlxalq superturnir baş tutacaq. Bu barədə Report 18 dekabr tarixində məlumat verib.
Turnirdə 8 şahmatçı – Şəhriyar Məmmədyarov, Rauf Məmmədov, Vüqar Əsədli (hər üçü Azərbaycan), Fabiano Karuana (ABŞ), Sergey Karyakin (Rusiya), Riçard Rapport (Macarıstan), Vişvanatan Anand (Hindistan) və David Navara (Çexiya) iştirak edəcəklər.
Şahmatçılar turnirdə rapid və blits üzrə yarışacaqlar, qalib isə hər iki turnirin yekun nəticəsinin cəminə əsasən məlum olacaq.
Tədbir "Fairmont Baku" hotelində keçiriləcək və dekabrın 23-dək davam edəcək.
Qeyd edək ki, Vüqar Həşimov memorialı ilk dəfə 2014-cü ildə Şəmkirdə keçirilib.
