Bakı Limanının yükaşırma göstəricisi 18,2% artıb. Bu barədə 3 dekabr tarixində qurumun rəsmi Twitter səhifəsində məlumat yayılıb.
Məlumata əsasən, cari ilin ilk 10 ayı ərzində Bakı Limanında 4 milyon 707 min ton yük aşırılıb. Quru yükün aşırılması ötən dövrlə müqayisədə 68,5% artaraq 956 min tona çatıb, aşırılan konteyner sayı isə 6% artıb və 35 040 TEU təşkil edib.
Bundan əlavə aşırılan TIR sayı 31 969 ədəd, vaqon sayı isə 25 109 olub.
Ələt qəsəbəsində yerləşən Bakı Limanı 2018-ci ildə açılıb. Bakı Limanı Xəzər dənizində ən böyük limandır. Liman 100 000 TEU konteyner daxil olmaqla, 15 milyon tona qədər yük qəbul edə bilər.
??Bakı Limanında yükaşırma göstəricisi mütəmadi olaraq artmaqdadır.Cari ilin 10 ayı ərzində Bakı Limanında 4 milyon 707 min ton yük aşırılıb ki, bu da 2020-ci ilin eyni dövrü ilə müqayisədə 18,2 %-lik artım deməkdir.#PortofBaku #statistics #BakıLimanı #logistics #container pic.twitter.com/K8oQ12xIWz
— Port of Baku - Bakı Limanı (@portofbaku) December 3, 2021
