“Bakı Metropoliteni” QSC “Sərnişin platforması üzrə növbətçi” vəzifəsinə işçi qəbulu elan edir. Bu barədə 7 yanvar tarixində Qurumun rəsmi səhifəsində məlumat verilib.
Müsabiqədə iştirak etmək istəyənlər ali və yaxud texniki peşə təhsilli, 30 yaşa qədər, kişilər hərbi xidmət keçmiş olmalıdır. Həmçinin qadın namizədlərin boyu 160 sm, kişi namizədlərin boyu isə 165 sm-dən uca olmalıdır.
Namizədlər məntiq testi və müsahibədən keçməlidir. Seçilmiş namizədlər tibbi yoxlanışdan keçib 1 aylıq xüsusi hazırlıq kursuna qatılacaqlar. Kursu uğurla başa vuran iddiaçılar test imtahanına cəlb olunacaqlar. Yüksək bal toplayanlar işə qəbul ediləcəklər.
Seçimlərdə iştirak etmək istəyənlər yanvarın 25-nə qədər “Bakı Metropoliteni” QSC-nin rəsmi veb-səhifəsinin “Karyera və əməkdaşlıq” bölməsinə daxil olaraq, “Bizdə iş” yarımbölməsində elektron müraciət formasını doldurmalıdırlar.
