Bugün, yanvarın 7-də Bakının bəzi ərazilərində qazın təchizatı dayandırılacaq. Bu barədə “Azəriqaz” İstehsalat Birliyi məlumat verib.
Məlumata əsasən, saat 11:00-dan etibarən Nəsimi rayonunda daşıyıcı qaz xətti üzərində quraşdırılmış istismara yararsız siyirtmə yenisi ilə əvəz olunacaq. Həmçinin Yasamal rayonu, Moskva prospekti, 3168-ci məhəllə ünvanında daşıyıcı qaz xəttinin yeri dəyişdirilərək polietilen qaz xətti ilə əvəzlənəcək.
Buna görə Nəsimi rayonunun Asif Məhərrəmov, 20 Yanvar, Mir Cəlal, Alı Mustafayev, Ceyhun Səlimov, C. Məmmədquluzadə küçələrinin, 2, 3, 4 və 5-ci mikrorayonların, Binəqədi rayonunun Xutor yaşayış massivi ərazisinin, RİQ-1, 325, 321 saylı qazanxanaların, Mərkəzi Hərbi Klinik Hospitalın və Yasamal rayonu ərazisində “Main” Yaşayış Kompleksinin qaz təchizatında müvəqqəti fasilə yaranacaq.
