Bakının mərkəzində yerləşən iki məktəbdə bir neçə sinifdə təhsil distant şəkildə olacaq. Məsələ ilə bağlı Report oktyabrın 6-da məlumat yayıb.
Tahir Həsənov adına 23 nömrəli məktəbin üç sinfində şagirdlər COVID-19 infeksiyasina yoluxub. Bu səbəbdən həmin sinifdə təhsil 14 gün müddətində distant şəkildə aparılacaq.
Həmçinin Baku-Oxford School-da yoluxma səbəbindən bir sinifdə dərslər iki həftə onlayn formada keçiriləcək.
Bundan əvvəl, anoloji hadisə 162 nömrəli tam orta məktəbdə baş verib. 8 ç sinfində üç şagirdin COVID-19-a yoluxmasına görə əyani tədris distant təhsillə əvəz olunub.
