Bakıda narkobaron və onun hədə-qorxu gələrək heroin satdırdığı 8 şəbəkə üzvü saxlanılıb. Bu haqda yanvarın 8-də Baş Narkotiklərlə Mübarizə İdarəsi məlumat verib.
Əməliyyat zamanı araşdırılıb ki, saxlanılan şəxslər Şüvəlan, Binə, Qala və Mərdəkan qəsəbələrində narkotik vasitələrin qanunsuz dövriyyəsi ilə məşğul olublar. Həmçinin, məlum olub ki, dəstə başçısı narkotiki satmaq üçün şəbəkə üzvlərinə daim hədə-qorxu gəlib və onları təzyiq altında saxlayıb. O, narkotik vasitələri xarici vətəndaşdan onlayn yolla aldığını etiraf edib.
Faktlarla bağlı araşdırmalar davam etdirilir.
