Bakıda gecə klubunda partlayışa görə həbs edilən bloger Rəsul Rəsulov apellyasiya şikayəti verib. Bu haqda aprelin 5-də APA məlumat yayıb.
O bildirib ki, 3-cü qrup əlildir, astma xəstəliyindən əziyyət çəkir və himayəsində yataq xəstəsi olan anası var.
İaşə obyektini icarəyə götürmüş “Merser food” MMC-də administrator işləyən Rəsul Rəsulovun barəsində “yanğın təhlükəsizliyi qaydalarını pozma - ehtiyatsızlıqdan zərərçəkmiş şəxsin ölümünə və ya digər ağır nəticələrə səbəb olduqda” maddəsi ilə ittiham elan edilib.
Onun barəsində Binəqədi rayon məhkəməsində həbs qətimkan tədbiri seçilib.
