Bakı və Abşeronda ümumilikdə 11 nəfər dəm qazından zəhərlənərək xəstəxanaya düşüb. Bu barədə martın 11-də Report xəbər verib.
Bakının Binəqədi rayonunda 50 yaşlı qadın, 27 yaşlı gənc, 24 yaşlı qız və onun 2 yaşlı övladı yaşadıqları evdə dəm qazından zəhərləniblər.
Abşeronun müxtəlif ərazilərində isə 7 nəfər dəm qazından zəhərlənib. Digah qəsəbəsində 32 yaşlı və 28 yaşlı qadınlar, Xırdalan şəhərində 24 yaşlı gənc, Saray qəsəbəsində 17 yaşlı gənc, 39 yaşlı qadın, onun 4 yaşlı qızı və Masazır qəsəbəsində 31 yaşlı qadın evlərində dəm qazından zəhərləniblər.
Faktlarla bağlı araşdırmalar davam edir.
