Bakıda noyabrın 13-dən etibarən mərkəzi prospektlərdə velosiped infrastrukturun qurulmasına başlanılıb. Bu barədə Bakı Nəqliyyat Agentliyi məlumat verib.
Hər iki istiqamətdə eni 1,5 metr olan velosiped yolunun uzunluğu 7,5 kilometr təşkil edəcək.
Məlumata əsasən, Bakıda 2027-ci ilə qədər 63,5 kilometrlik, 2040-cı ildə isə 251 kilometrlik velosiped yolunun çəkilməsi nəzərdə tutulur.
Daha öncə, cari ilin iyul ayında Bilgəh Kardioloji Sanatoriyasını və digər müalicə-istirahət mərkəzlərini birləşdirən 2 kilometrlik velosiped yolu salınıb.
