Bakı yollarında taksilərin yaratdığı qəzaların sayının artma səbəbini 16 dekabr tarixində Trend araşdırıb.
Nəqliyyat məsələləri üzrə ekspert Elməddin Muradlı bildirib ki, araşdırmalar nəticəsində məlum olub ki, qəzaların əksəriyyəti taksi sürücülər tərəfindən törədilir:“ Bakıda 40 minə yaxın taksi sürücüsü var. Bu sürücülərin çoxu gün ərzində 12-16 saat sükan arxasında əyləşir. Belə taksi sürücülərinin qəza törətmək ehtimalı xeyli yüksək olur”.
Ekspertin sözlərinə görə, digər səbəb taksi sürücülərinin bir arada müxtəlif proqramlara nəzarət etməsidir və gələn butun sifarişlərin qəbul etməsidir. Buda öz nəticəsində sürücünün yorğun və psixoloji cəhətdən gərgin olmasına qətirib çıxarır.
“Qanunsuz taksi fəaliyyətilə məşğul olan sürücülər avtomobillərini əsasən avtobus dayanacaq məntəqələrində, ikinci hərəkət zolağında, kəsişmələrdə və digər qadağan olunan yerlərdə park edərək ümumi nəqliyyat axınına maneə yaradırlar”, - BNA-nın mətbuat xidmətinin rəhbəri Mais Ağayev mövzü ilə bağlı fikir bildirib.
Bakı Şəhər Baş Polis İdarəsinin baş inspektoru, polis mayoru Araz Əsgərli bildirib ki, sahibkar nəqliyyat vasitəsini icarəyə verməzdən öncə onu sürəcək şəxsə qanunvericiliyin tələblərini izah etməlidir.
