Bakının Yasamal rayonunda 47 yaşlı şəxsi avtomobil vurub. Bu haqda Report xəbər paylaşıb.
Piyada yolu keçərkən avtomobil onu vurub. Yaralı xəstəxanaya yerləşdirilib. Onun sol topuğu sınıb.
Həmçinin sözügedən ərazidə yolu keçən 39 yaşlı vətəndaşı da avtomobil vurub. Xəsarət alan şəxs xəstəxanaya çatdırılıb.
Bununla yanaşı, paytaxtın Binəqədi rayonunda 35 yaşlı kişi yolu keçərkən onu avtomobil vurub. Xəstəxanada ona sol baldır sümüyünün sınığı diaqnozu qoyulub.
Faktlarla bağlı araşdırmalar davam edir.
