Bakıda yeniyetmə özünü binadan ataraq intihar edib. Nəticədə o, yol keçən kişinin üstünə düşüb. Bu haqda mayın 3-də Lent.az məlumat yayıb.
İnsident Xətai rayonu, Qədir Məmmədov küçəsində baş verib. İlkin məlumata əsasən, 11-ci sinif şagirdi olan qız hadisə yerində həlak olub. Kişinin vəziyyətinin ağır olduğu bildirilir.
Ölkədə bu il ərzində 102 intihar hadisəsi qeydə alınıb. Ötən il isə 612 nəfər həyatına son qoyub. Onlardan 438 nəfər kişi, 174 nəfər qadın, 46 nəfər isə yetkinlik yaşına çatmayanlar olub.
