Bakıda 30 aprel və 1 may tarixlərində bir sıra prospektlərin müəyyən hissələrində təmir işləri aparılacaq. Bu haqda Avtomobil Yolları Dövlət Agentliyi məlumat yayıb.
Belə ki, aşağıda qeyd edilən yollarda hərəkət qismən məhdudlaşdırılacaq:
- 30 aprel saat 08:00-dan 01 may saat 20:00-dək Azadlıq prospektinin İzzət Həmidov və Sahib Zeynalov küçələri arasında yerləşən hissəsində;
- 30 aprel saat 08:00-dan 01 may saat 20:00-dək Nizami rayonu, Qara Qarayev prospektində (YAP təşkilatının inzibati binasının önü);
- 01 may saat 08:00-dan saat 20:00-dək Heydər Əliyev prospektində Bağırov körpüsünün çıxış hissəsində (Koroğlu yol qovşağı istiqamətində).
Sürücülərdən alternativ yollardan istifadə etmələri, bu tarixlərdə təmir işlərinin aparıldığı ərazilərdə hərəkətdə olarkən diqqətli olmaları xahiş olunur.
