Balakəndə narkotiklərin satışını təşkil edənlər tutulub. Nəticədə 10 kiloqrama yaxın narkotik dövriyyədən çıxarılıb. Bu haqda martın 11-də APA DİN-ə istinadən xəbər verib.
Bakı şəhər sakinləri, əvvəllər də bir neçə dəfə məhkum olunmuş Nurlan Rzayev və Elçin Kərəkməzli, eləcə də Sumqayıt sakini Zaur Rzayev saxlanılıb.
Müəyyən olunub ki, Nurlan Rzayev qonşu ölkələrdən birində yaşayan və Azərbaycana qaçaqmalçılıq yolu ilə narkotik göndərən narkotacirlə sosial şəbəkələr vasitəsilə narkokuryerliyə cəlb olunub. Bunun qarşılığında isə həmin şəxs Nurlana 5 min manat verəcəyəni bildirib.
Faktla bağlı araşdırmalar davam etdirilir.
