Balakən Rayon Polis Şöbəsinin əməkdaşları tərəfindən partlayıcı, tezalışan maddələrin, pirotexniki vasitələrin satışını həyata keçirən şəxslər saxlanılıb. Bu barədə Daxili İşlər Nazirliyinin Mətbuat Xidmətinin Şəki regional qrupuna istinadən 25 dekabr tarixində Trend məlumat verib.
Məlumata əsasən, rayon ərazisində “Daewoo” markalı avtomobildə olan sürücü və sərnişinin mağazalara pirotexniki vasitələr satmaları barədə polis şöbəsinə məlumat daxil olub. Nəticədə Ağdam sakini Zeynalabdin Abbasov və Gəncə sakini Şahin Şahgəldiyev istifadələrində olan avtomobillə birgə saxlanılıb. Avtomobilə keçirilən baxış zamanı külli miqdarda pirotexniki vasitə aşkar olunaraq götürülüb.
Onların barəsində protokol tərtib edilərək rayon məhkəməsinə göndərilib.
