“BBC World News” telekanalında Azərbaycan turizmi haqqında tanıtım çarxı təqdim olunub. Bu haqda noyabrın 17-də Dövlət Turizm Agentliyi məlumat yayıb. Video Azərbaycan Turizm Bürosunun “BBC” yayım şirkəti ilə əməkdaşlığı çərçivəsində hazırlanıb.
Tanıtım çarxında ölkənin təbiətindən, tarixi və mədəni abidələrindən, mətbəxindən və səyahət edən turistlərin təcrübədən keçirə biləcəkləri fəaliyyət növlərindən bəhs edilib.
Bir il ərzində davam edəcək əməkdaşlıq çərçivəsində BBC-nin saytında reklam bannerləri, ölkəmizin mədəni və maddi irs nümunələrini əks etdirən məqalələr yerləşdiriləcək. Həmçinin Azərbaycan turizminə həsr olunmuş daha 2 videoçarxın, eləcə də “A Taste of Baku” və “Wonders of Azerbaijan” verilişlərinin çəkilişi planlaşdırılır.
Qeyd edək ki, “BBC World News” telekanalının izləyici sayı 112 milyon, “bbc.com” saytının aylıq unikal istifadəçi sayı isə 179 milyon təşkil edir.
