Bu gündən 18 aprel Beynəlxalq Abidələr və Tarixi Yerlər Gününə həsr olunmuş "Təmiz heykəl" adlı layihəyə start verilir. İnsanoid xəbər verir ki, həmin layihə çərçivəsində ötən həftə paytaxtın yuyulacaq abidələrinin siyahısı açıqlanıb.
Lakin şəhərin mərkəzində yerləşən bəzi görkəmli şəxslərin heykəlləri bu siyahıya əlavə edilməyib.
Belə ki, "Nizami" metrostansiyasının qarşısında Azərbaycanın ilk ali təhsilli memarı Zivər bəy Əhmədbəyovun heykəli yerləşir. Abidə quşlar tərəfindən çirklənir və hal-hazırda bu vəziyyətdədir:
[gallery link="file" columns="1" size="large" ids="43042,43041,43040"]
Sözügedən hal dramaturq Cəfər Cabbarlının heykəlinə də aiddir. 1982-ci ildə Bakı Dəmir Yolu Vağzalının qarşısında ucaldılan abidə göyərçin yuvasına çevrilib. Quşlar şairin qoynu, qolu, çiyinlərində cəmləşirlər və nəticədə abidənin üstü kirlənir.
[gallery link="file" columns="1" size="large" ids="43043,43044"]
Milli romantik şeirin və mənzum faciənin banisi olan Hüseyn Cavidin heykəli ilə də eyni problem yaşanır. Elmlər Akademiyası qarşısındakı parkda qoyulmuş incəsənət nümunəsi natəmiz vəziyyətdə saxlanılır.
[gallery link="file" columns="1" size="large" ids="43065"]
Qeyd edək ki, adıçəkilən layihəyə aprelin 18-dən Xurşidbanu Natəvanın heykəlinin təmizlənməsi ilə başlanılıb. Təbiət hadisəsi və insan faktorunun təsiri ilə çirklənmiş heykəllərin xüsusi məhlullarla təmizlənməsi nəzərdə tutulur.
