Biləsuvarda narkotiklərin qanunsuz dövriyyəsində şübhəli bilinən 10 nəfər saxlanılıb. Onlardan ümumilikdə 8 kiloqramdan çox narkotik vasitə və psixotrop maddə götürülüb. Bu haqda yanvarın 31-də DİN məlumat yayıb.
Bakı şəhər sakini, Beyləqan rayon sakini və tanışı, Sumqayıt şəhər sakini Biləsuvar rayonunda “Toyota Prius” markalı avtomobildə saxlanılıblar. Avtomobildə 7 kiloqrama yaxın heroin, 1 kiloqram 110 qram tiryək və 500 qramdan çox metamfetamin tapılıb.
Son bir neçə gün ərzində narkotiklərin satışı ilə məşğul olan daha 7 nəfər tutulub.
Bununla yanaşı, qanunsuz olaraq odlu silah-sursat saxlamaqda şübhəli bilinən rayon sakini də saxlanılıb. Onun yaşadığı evin həyətində “AK-74” modelli “Kalaşnikov” konstruksiyalı avtomat silahı, daraq və 12 patron aşkarlanıb.
Faktlarla bağlı araşdırmalar davam edir.
