Biləsuvarda iki avtomobilin toqquşması nəticəsində bir nəfər dünyasını dəyişib. Bu haqda aprelin 28-də Daxili İşlər Nazirliyinə istinadən Report xəbər verib.
Qəza 27 apreldə Arazbari kəndi ərazisində baş verib. İmişli rayon sakini idarə etdiyi “Hyundai” markalı avtomobili qarşıda gedən Cəbrayıl rayon sakininin idarə etdiyi “Mercedes” markalı avtomobilə vurub. Hər iki sürücü və ikinci avtomobildə olan iki sərnişin xəstəxanaya aparılıblar. Sərnişinlərdən biri vəfat edib.
Faktla bağlı araşdırma davam edir.
