Bu gün Moskvada Dövlət Kreml Sarayında Müslüm Maqomayevin 80 illiyinə həsr olunmuş “Sənsiz mahnı yoxdur” adlı qala-konserti keçiriləcək. Bu haqda aprelin 23-də TASS məlumat yayıb.
Tədbirdə Xalq artistinin "Gözəllik kraliçası", "Dünyanın ən yaxşı şəhəri", "Toy" kimi məşhur mahnıları səslənəcək.
Azərbaycan-sovet opera və estrada müğənnisi 1942-ci il 17 avqust tarixində Bakıda anadan olub. O, C.Rossininin “Sevilya bərbəri” operasında yaratdığı Fiqaro obrazı ilə populyarlaşıb.
Sənətkar 1973-cü ildə “SSRİ Xalq artisti” fəxri adına layiq görülüb, 1997-ci ildə Azərbaycanın “Şöhrət”, 2002-ci ildə isə “İstiqlal” ordenləri ilə təltif olunub. Bəstəkar 2008-ci ildə 67 yaşında Moskvada vəfat edib. O, Birinci Fəxri Xiyabanda dəfn olunub.
