İpoteka və Kredit Zəmanət Fondu bu günədək Fondun vəsaiti hesabına maliyyələşdirilmiş ipoteka kreditləri vasitəsilə 38 mindən çox ailə mənzil şəraitinin yaxşılaşdırılmasına nail olub, ipoteka kreditlərinin həcmi isə 2,1 milyard manatı keçib. Bu barədə 27 aprel tarixində Fond məlumat verib.
Məlumata əsasən, bu kreditlər vasitəsilə mənzil şəraitini yaxşılaşdırmış ailələrin 70%-i gənclərdir.
Həmçinin bu günə qədər İpoteka Kredit Zəmanət Fondu (İKZF) 50 milyon manat məbləğində 600-dən çox ipoteka kreditinə zəmanət verib.
Qeyd edək ki, Azərbaycan İpoteka Fondu 2006-cı ilin martından etibarən ölkədə ilk uzunmüddətli ipoteka kreditlərinin verilməsinə başlayıb.
Bildirilib ki, strateji dövr ərzində 20 min ailənin yaşayış şəraitinin yaxşılaşdırılması məqsədilə 1,7 milyard manat məbləğində ipoteka kreditlərinin maliyyələşdirilməsi hədəf kimi müəyyən edilib.
