Ödənişli ictimai işlər proqramının fəaliyyət sahələri 2022-ci ildə də genişlənəcək. Bu barədə 9 yanvar tarixində Əmək və Əhalinin Sosial Müdafiəsi Nazirliyi məlumat verib.
Məlumatda bildirilib ki, 1231 işsiz və işaxtaran şəxs 60 rayonu əhatə edən layihə üzrə “Azərpoct” MMC və “Aztelekom” MMC müəsissələrində poçtalyon və operator işlərinə cəlb olunub.
Ötən il 56 min iş yerini özündə əhatə edən ödənişli ictimai işlər proqramı çərçivəsində Kənd Təsərrüfatı Nazirliyi, Rəqəmsal İnkişaf və Nəqliyyat Nazirliyi, Müdafiə Nazirliyi, ASAN xidmət, YAŞAT Fondu və digər qurumlarla birgə layihələr icra olunub.
