2022-ci ildə Kəlbəcər yaylaqlarına 20 mindən artıq arı ailəsinin köçürülməsi nəzərdə tutulub. Bu barədə 29 aprel tarixində Kənd Təsərrüfatı Naziriliyi məlumat verib.
Məlumata əsasən, azad olunmuş ərazilərə ötən il olduğu kimi, yenə də yalnız həmin rayondan olan fermerlərin təsərrüfatları köçürüləcək. Bildirilib ki, bu il Kəlbəcər yaylaqlarına həmçinin Azərbaycanın müxtəlif bölgələrində fəaliyyət göstərən damazlıq arıçılıq və qoyunçuluq təsərrüfatlarının da köçürülməsi nəzərdə tutulur.
Bildirilib ki, bu gün ANAMA-nın təlimlərini başa vurmuş 13 arıçıdan ibarət 5 arıçılıq təsərrüfatı Kəlbəcər yaylaqlarına yola salınıb.
Həmçinin ötən il pilot layihə çərçivəsində heyvandarlıq təsərrüfatlarının da Kəlbəcər yaylaqlarına köçürülməsi təmin edilib. Qeyd olunub ki, bu il tərkibində ən azı 200 heyvan olan qoyunçuluq təsərrüfatlarının da Kəlbəcər yaylaqlarına köçünün təşkili planlaşdırılır.
2021-ci ildə Kəlbəcər və Laçın yaylaqlarına 4500-dən artıq arı ailəsi köçürülüb.
[URIS id=45374]
