İndiyədək “Azəri-Çıraq-Günəşli” neft yataqlarından 545 milyon tona yaxın neft çıxarılıb. Bunu energetika naziri Pərviz Şahbazovun “Azərbaycanın inkişaf modeli: Dünən, bu gün və sabah” mövzusunda keçirilən konfransdakı çıxışına istinadən 21 dekabrda Report məlumat verib.
Energetika naziri bildirib ki, ölkə qaz satışından 155 milyon dollara yaxın gəlir qazanıb.
Azəri-Çıraq-Günəşli Azərbaycanın ən böyük neft yatağı blokudur. Neft yatağı ilə bağlı hasilat bölgüsünə dair ilk müqavilə 1994-cü ildə imzalanıb. 2001-ci ildən isə yataq fəaliyyətə başlayıb. Həmin ildən 154,6 milyard dollardan çox gəlir əldə olunub. Cari ilin yanvar-noyabr aylarında isə 5,2 milyard dollardan çox gəlir əldə edilib.
