Bugün, oktyabrın 25-də Qubadlı rayonunda televiziya və radio yayımı təmin edilib. Bu barədə Rəqəmsal İnkişaf və Nəqliyyat Nazirliyi məlumat verib.
Məlumata əsasən, Qubadlı şəhəri və Əlibəyli, Qoturbulaq, Xocahan, Qapanlı, Muğanlı, Hal, Xanlıq, Hənzəli, Əfəndilər, Qəzyan, Saray, Yuxarı Mollu kəndlərində 8 TV və 2 radio proqramının yayımı bərpa edilib.
Daha öncə, ötən ilin 31 dekabr tarixində Şuşa və Xankəndi şəhərləri, Xocalı, Ağdam, Bərdə rayonlarında TV və radio yayımı təmin olunmuşdur. Həmçinin cari ilin oktyabr ayında Kəlbəcərdə 8 TV və 1 radio proqramı, Zəngilanda isə 8 TV və 2 radio proqramının yayımına başlanılmışdır.
Əlavə olaraq, Xocavənd rayonunun Hadrut qəsəbəsinin Şahyeri stansiyasında bərpa işləri bu ilin sonuna qədər tamamlanacaq.
