Cəlilabadda qanunsuz ov edən Bakı şəhər sakinləri saxlanılıb. Bu haqda 31 dekabr tarixində Daxili İşlər Nazirliyindən məlumat verilib.
Onlardan 1 ədəd “Hatsan” markalı, 1 ədəd “Turac” markalı ov silahları və qanunsuz olaraq ovlanmış çöl heyvanları aşkar edilib.
Faktla bağlı “ov qaydalarının kobud şəkildə pozulması” maddəsi ilə inzibati protokol tərtib olunub və məhkəməyə göndərilib.
Qeyd edək ki, bu əməl 1000 manatdan 2000 manatadək məbləğdə cərimə ilə və ya 6 aydan 2 ilədək müddətə ov hüququnun məhdudlaşdırılması ilə cəzalandırılır.
