Sumqayıtçaya toyuq cəsədlərini atan quşçuluq sex sahibi cərimələnib. Bu barədə aprelin 27-də Ekologiya və Təbii Sərvətlər Nazirliyindən məlumat verilib.
Belə ki, tullantıları suya atan sexin sahibi Marif Muradov vəzifəli şəxs qismində 3 500 manat məbləğində cərimə olunub.
Nazirlik rəsmisinin sözlərinə görə, tullantıların ərazidən təmizlənməsi üçün məsul qurumlara göstəriş verilib.
“Təəssüf ki, hələ də ətraf mühitə laqeyd münasibət göstərən şəxslərin əməllərinin şahidi oluruq. Gəlin yaşadığımız mühiti zibilləməyək, ətraf mühitin çirkləndirilməsinə imkan verməyək”, - deyə o əlavə edib.
