Xorvatiyanın "Dinamo" futbol komandası ilə qarşılaşan "Qarabağ" ilk oyunda məğlub olub.
Qeyd edək ki, cavab oyunu avqustun 28-i Tofiq Bəhramov adına Respublika stadionunda, saat 20:45-də baş tutacaq.
00:45
UEFA Çempionlar Liqasının pley-off mərhələsinin "Dinamo" (Zaqreb, Xorvatiya) - "Qarabağ" matçında üçüncü qol vurulub.
Tərəflər arasında "Maksimir" stadionunda keçirilən ilk oyunda ev sahibləri növbəti dəfə qol sevinci yaşayıb - 3:0.
80-ci dəqiqədə Sandro Kulenoviç dubl müəllifi olub.
00:43
UEFA Çempionlar Liqasının pley-off mərhələsinin ilk oyunu çərçivəsində "Dinamo Zaqreb" 2-0 hesabda irəli çıxır. Bu dəfə Sandro Kulenoviç 75-ci dəqiqədə fərqlənir.
23:31
"Dinamo" 29-cu dəqiqədə Marko Pyaçanın vurduğu qolla hesabı açır. "Qarabağ" 1-0 hesabla geridədir.
23:01
UEFA Çempionlar Liqasında pley-offun oyunlarına start verildi.
İnsanoid xəbər verir ki Qurban Qurbanovun komandası Azərbaycan təmsilçisi "Qarabağ" Xorvatiyada Zaqreb "Dinamo"su ilə üz-üzə gəlir.
Oyun "Maksimir" stadionunda keçirilir.
Matçı isveçli baş hakim Qlenn Nyuberq idarə edir.
22:51
UEFA Çempionlar Liqasının pley-off mərhələsində bu gün baş tutacaq “Dinamo” (Zaqreb, Xorvatiya) – "Qarabağ" matçından əvvəl komandaların start heyətləri açıqlanıb.
İnsanoid xəbər verir ki, "Maksimir" stadionunda keçiriləcək oyun Bakı vaxtı ilə saat 23:00-da başlayacaq.
Komandalar meydana aşağıdakı heyətlə çıxacaqlar:
Qarabağ: Fabian Buntiç, Mateus Silva, Bəhlul Mustafazadə, Kevin Medina, Elvin Cəfərquliyev, Julio Romao, Patrik Andrade, Leandro Andrade, Yassin Benzia, Abdullah Zubir, Juninyo
Dinamo: İvan Nevistiç, Stefan Ristovski, Kevin Teofil Katrin, Sami Mmae, Pyer Qabriel, Mişiç, Marko Pyaça, Petar Suçiç, Martin Baturina, Arber Xodja, Bruno Petkoviç
