Bu gün, martın 11-də Azərbaycan xarici işlər naziri Ceyhun Bayramov ATƏT-in Baş katibi Helqa Şmid ilə görüşüb. Görüş Türkiyədə baş tutub. Bu barədə Xarici İşlər Nazirliyindən məlumat verilib.
Görüş zamanı tərəflər Azərbaycanla ATƏT arasında əməkdaşlıq gündəliyinin müxtəlif aspektləri, azad edilmiş ərazilərdə yenidənqurma və reinteqrasiya prosesləri, habelə regionda baş verən ən son hadisələr barədə fikir mübadiləsi aparıblar.
Nazir Ceyhun Bayramov həmsöhbətinə üçtərəfli bəyanatların icrası istiqamətində Azərbaycan tərəfindən atılan addımlardan danışıb.
Həmçinin görüşdə tərəflər, qarşılıqlı maraq doğuran qlobal məsələləri müzakirə ediblər.
