Bu gün, aprelin 28-də Azərbaycan xarici işlər naziri Ceyhun Bayramov Bolqarıstan xarici işlər nazirinin müavini Vasil Georgievi qəbul edib. Bu barədə Azərbaycan Xarici İşlər Nazirliyindən məlumat verilib.
Görüşdə iki ölkə arasında siyasi müstəvidə yaxşı münasibətlərin mövcud olduğu, habelə iqtisadi, enerji, nəqliyyat, humanitar, mədəniyyət və digər sahələrdə əlaqələrin inkişaf etdiyi vurğulanıb.
Həmçinin ölkələrin beynəlxalq təşkilatlar çərçivəsində əməkdaşlığı, Ukraynadakı vəziyyət və digər regional məsələlər də müzakirə edilib.
Ceyhun Bayramov Ukraynadakı vəziyyətlə əlaqədar ölkəni tərk edən Azərbaycan vətəndaşlarının Bolqarıstandan keçməsi üçün şəraitin yaradılmasına görə qarşı tərəfə minnətdarlıq ifadə edib.
Görüşün yekununda Bolqarıstan xarici işlər nazirinin müavini Ceyhun Bayramovu Bolqarıstana səfərə dəvət edib.
