Türk Dövlətləri Təşkilatı mövcud vəziyyətdən çıxmaq üçün Qazaxıstana yardım etməyə hazırdır. Bunu Azərbaycanın xarici işlər naziri Ceyhun Bayramov yanvarın 11-də bildirib.
Bu gün Türk Dövlətləri Təşkilatı ölkələrinin xarici işlər nazirlərinin videokonfrans formatında iclası baş tutub. Toplantının əsas mövzusu Qazaxıstandakı böhranlı durum olub.
İclasın sonunda qəbul edilən bəyanatda Qazaxıstanda ictimai asayişi pozan zorakılıq aktları pislənilib.
Qeyd edək ki, Türk Şurası Azərbaycan, Qazaxıstan, Qırğızıstan, Türkiyə və Özbəkistanı birləşdirən beynəlxalq təşkilatdır. Macarıstan və Türkmənistan təşkilatda müşahidəçi statusuna malikdir.
