Azərbaycan cüdo milli komandasının üzvləri Gültac Məmmədəliyeva, Elcan Hacıyev və Yaşar Nəcəfov ölkə xaricindən dəvət olunmuş ixtisaslaşmış cərrah tərəfindən əməliyyat olunublar.
İnsanoid Azərbaycan Cüdo Federasiyasına istinadən xəbər verir ki, Gültac Məmmədəliyevaya sol çiynində Latarjet əməliyyatı, Yaşar Nəcəfovda labrum yırtığı üçün artroskopik əməliyyat, Elcan Hacıyevə isə minimal invaziv cərrahi müdaxilə həyata keçirilib. Onların məşqlərə 3-6 ay ərzində qayıtması gözlənilir.
Qeyd edək ki, bu idmançılar Paris 2024 Yay Olimpiya Oyunlarında Azərbaycanı təmsil ediblər.
