Daxili İşlər Nazirliyi üzərlərində qanunsuz silah və narkotik vasitələr saxlayan şəxslərə qarşı əməliyyatlar keçirib. Bu barədə yanvarın 12-də nazirlikdən məlumat verilib.
İlk tədbir zamanı əvvəllər məhkum olunmuş Balakən rayon sakini saxlanılıb. Onun üzərində olan çantadan 7 bükümdə 26 kiloqram heroin tapılıb.
Bərdə rayon sakini qanunsuz olaraq odlu silah-sursat saxlamaqda şübhəli bilindiyi üçün saxlanılıb. Onun üzərində şəxsi axtarış zamanı "Makarov" markalı tapança və 6 ədəd patron aşkar olunub.
Növbəti əməliyyat zamanı da silah gizlətməkdə şübhəli bilinən 2 nəfər paytaxt sakini saxlanılıb. Onlardan “AKS-74” markalı avtomat, “Makarov” markalı tapança, 3 ədəd patron darağı, 249 ədəd müxtəlif çaplı patron, 1 ədəd “F-1”, eləcə də 1 ədəd “RDQ-5” qumbaraları və partlayıcı müsadirə edilib.
Sözügedən şəxslər barəsində həbs qətimkan tədbirləri seçilib. Müvafiq maddələr ilə cinayət işləri başlanılıb.
