2022-ci ilin 31 dekabrınadək dənli bitkilərin Azərbaycandan çıxarılması məhdudlaşdırılıb. Bu barədə martın 18-də Baş Nazir Əli Əsədov tərəfindən qərar imzalanıb.
Bu qərar minimum istehlak səbətinin tərkibinə daxil olan bir sıra ərzaq mallarının ölkə ərazisindən aparılmasının tənzimlənməsi üçün qəbul edilib.
Eyni zamanda, üyütmə-yarma sənayesi məhsulları, səməni, nişastalar, dərman bitkiləri və texniki bitkilər, saman və yem, spagetti, makaron, əriştə, lazanya, ravioli kimi makaron məmulatları və kuskusun da Azərbaycanın gömrük ərazisindən aparılması müvəqqəti olaraq tənzimlənəcək.
Sözügedən məhsulların buraxılışı yalnız İqtisadiyyat Nazirliyinin müsbət rəy məktubu əsasında olacaq.
