Dövlət Məşğulluq Agentliyi tərəfindən növbəti peşə kurslarının tədrisinə başlanılıb. Bu barəqə 23 dekabr tarixində Agentliyin rəsmi səhifəsində məlumat verilib.
“Bakı Tikiş Evi” MMC və “Bakı Tekstil Fabriki” MMC ilə bağlanmış müqaviləyə əsasən “Dərzi”, “Azcake MMC“ ilə birgə “Qənnadçı”, “ÇakÇuk” startap layihəsi ilə əməkdaşlıq çərçivəsində isə “Elektrik avadanlıqlarının təmiri üzrə elektrik” və “İstilik şəbəkəsi avadanlıqlarının təmiri üzrə çilingər” peşələri üzrə hazırlıq kursları təşkil edilib.
2 aylıq təlim kurslarını uğurla başa çatdıran məzunlar işlə təmin olunacaqlar.
Əlavə olaraq Quba şəhərində “Bərbər” peşəsi üzrə təşkil edilən kursa 11 nəfər cəlb edilib.
